იტალიურ იუთუბარხზე, Chronache di spogliatoio-ზე ზურიკო დავითაშვილს ჩანახატი მიუძღვნეს.

„ოსერთან“ ჰეთ-თრიქის შემდეგ ქართველმა ფეხბურთელმა ყურადღება მიიპყრო და ამჯერადაც ისაუბრეს მასზე.

დავითაშვილზე საუბრისას პარალელი ხვიჩა კვარაცხელიასთან გაავლეს მათ შორის ბევრი მსგავსებისა და მეგობრობის გამო.

„იგივე ასაკი, ეროვნება, პოზიცია, ჩამოწეული გეტრები, სისწრაფე, სირბილის იგივე სტილი, დრიბლინგი და ძლიერი მარჯვენა ფეხი. მას ზურიკო დავითაშვილი ჰქვია და ლიგა 1-ის კვარაცხელიაა. ზურიკო, როგორც კვარა, 2001 წელს დაბადებული ქართველია. მას ახლა საფრანგეთში იცნობენ, სადაც „სენტ ეტიენში“ თამაშობს. გუნდში, რომლის მფლობელი ცოტა ხნის წინ ივან გაზიდისი გახდა. „ოსერთან“ ჰეთ-თრიკი შეასრულა, სამივე გოლი მარჯვენა ფეხით გაიტანა და თავის გუნდს 3 ქულა მოუტანა.

ყველაზე ლამაზი რამ, რაც კვარაცხელიას, და დავითაშვილს აკავშირებთ, გარდა სხვადასხვა მსგავსებებისაა, მეგობრობაა. ისინი ბავშვობიდან დიდი მეგობრები არიან. მათ ერთმანეთი 12 წლის წინ გაიცნეს, როცა „დინამო თბილისის“ აკადემიაში თამაშობდნენ. გუნდი, სადაც მათი პროფესიული დებიუტიც შედგა, ზუსტად ერთსა და იმავე დღეს – 2017 წლის 29 სექტემბერს, კვარა 62-ე წუთზე შეცვლაზე შევიდა, დავითაშვილი კი ძირითადში იყო.

ორი წლის შემდეგ ისინი ყაზანის „რუბინში“ შეხვდნენ და ახლა საქართველოს ეროვნული ნაკრების გასახდელს იზიარებენ, შეტევის ნამდვილი ისრები არიან. მარცხენა ფლანგიდან იწყებენ შეტევებს, შუაში იწევენ და მარჯვენა ფეხით კარში დარტყმას ცდილობენ. იზიარებდნენ და ახლაც იზიარებენ შეკრებებზე ოთახს. როგორც დავითაშვილი ამბობს, ძალიან ხშირად თამაშობენ ფლეისთეიშენს და როცა ზურიკო იმარჯვებს, კვარა ძალიან ბრაზდება, როგორც ბავშვობაში.

ევრო 2024-ზე ორივემ ყველა თამაში ჩაატარა, დავითაშვილმა კვარას სისწრაფეში აჯობა. დავითაშვილის საუკეთესო სპრინტი 33.8 კმ საათი იყო, ხოლო კვარას მაქსიმუმი 32.7 გამოდგა. სტატისტიკაში მსგავსებაც არსებობს – მიმდინარე სეზონში ჩემპიონატის 7-7 მატჩში 3-3 გოლი გაიტანეს და 2-2 საგოლე პასი გააკეთეს. მათ შორის არის ის განსხვავება, რომ კვარას ტალანტი დიდ სცენებზე დავითაშვილზე ადრე გამოჩნდა, მაგრამ ახლა მას ამ ჩამორჩენის აღმოფხვრა სურს“, – აცხადებს კოზიმო ბარტოლონი (Chronache di spogliatoio-ს ჟურნალისტი).